⇛ एकु घिमिरे
चराहरूको चिर्विर अलार्मले ब्युँझनु
धारा र भरिएको कुवाको मुधुर धुनमा
अक्षरहिन लोकलय गुनगुनाउनु
पाठा र बाच्छाका गीतहरूमा नाँच्दै
डोकाको क्षमताभन्दा चुली खुशि बटुलेर
मुस्काउँदै -सुस्ताउँदै हिँड्नु उसको दैनिकी हो ।
म त अबेर सुतेर छटपटाइरहन्छु शहरमा
मोवाएलको कर्कश अलार्मले ब्युँझन्छु
गाडी र कारखनाको रुखो लयमा
झर्कँदै हिँड्नुपर्छ सधैंँ -सधैंँ
हाकिमको आदेशको पछि कुदिरहनुपर्छ
घट्टामा घान हालेको एक थुन्से अन्नजस्तो मेरो खुशि
घटदै -घट्दै गइरहेछ
पिसिँदै-पिसिँदै गइरहेछ
कठै ! धुलिएरै सकिन्छ शहरमा खुशी !!
Comments
Post a Comment