जुन ठाउँमा साझा पाटी र पौवा ,चौतारा भेटिन्छ
त्यै गाउँमा मात्र मानवीयता -भाइचारा भेटिन्छ ।
बिकासभित्र दुईखुट्टे भिड , शहरमा खोई मान्छे ?
पैसाको लागि आमालाई मार्ने ज्यानमारा भेटिन्छ ।
अटल हुन्छ गाउँमा मान्छे बिक्दैन पशु भई
शहरमा रङ फेरेर बाँच्ने छेपारा भेटिन्छ ।
मिनिरल वाटर , कोल्ड ड्रिङ्क्स भन्छन् , तिर्खा नै महङ्गो
गाउँघरमा सफा अबिरल कुवा र धारा भेटिन्छ ।
Comments
Post a Comment